EAJ-PNV Arrasatek bere haserre sakona eta gaitzespena adierazi ditu joan den larunbatean egindako ekintza bandalikoaren aurrean, Udalaitz mendiko gailurrean kokatutako gurutzea desagertu egin baitzen, bere oinarria basatiki zerraztu ondoren. Ekintza honek ofentsa larria suposatzen du, ez bakarrik gurutze honekin omendutako mendizaleen aurka, baita haien senideen aurka ere, eta, bereziki, 1971n auzolanaren bidez gurutzea gailurrera igotzeko lan handia egin zuten 60 pertsona baino gehiagoren aurka.

1.120 metroko altueran eraikitako gurutzea errespetuaren eta memoriaren sinbolo izan da mendian bizia galdu dutenen omenez, eta bere desagertzeak errespetu falta izugarria adierazten du. Gertalekuan aurkitutako mezuak, zerra txiki eta poema batekin batera, ez du inolaz ere justifikatzen komunitatearentzat hain esanguratsua den ikur honen aurkako mespretxuak.

Hau ez da mendizaleen omenezko gurutze baten aurkako lehen eraso bandalikoa. 1977an, Guardia Zibilak, Tellamendiko gurutzea bota zuen, eta urte berean, leku berean berreraiki zen, gure tradizioak eta sinboloak baloratzen dituztenen borondatearen eta errespetuaren sinbolo gisa.

Arrasateko talde jeltzaleak gertatutakoa argitzeko ikerketa bat irekitzea eta beharrezko neurriak hartzea eskatzen du, ekintza hau zigorrik gabe gera ez dadin. Era berean, Udalaitzeko gurutzea berreraikiko eta bere lekuan berriro jarriko delaren konfiantza du, mendizaleen omenez eta hainbeste ahalegin egin zutenak errespetatzeko.

Jeltzaleen alderdiak horrelako ekintza bandalikoak berriz gertatzea ez dela onartu behar, denon erantzukizuna baita gure historia osatzen duten memoria eta sinboloak zaintzea, eta gure aurretik joan direnei omenaldia egitea azpimarratzen du.