EAJ-PNV Arrasatek 2025eko Zerga Araudietan jasotako udal tasak izoztea proposatu du, zabor bilketaren tasa izan ezik, legeak eskatzen duen %38ko igoera izango duena. Adierazi dutenez, EH Bildu eta Elkarrekin Podemoseko Udal Gobernuak 13 milioi euroko urteroko superabita du, eta horri gehitu beharko zaizkio hondakinen bilketaren tasa igotzearekin espero diren 700.000 euro inguru. Udalak egoera ekonomiko onean dagoela eta ez dela beharrezkoa arrasatearrei zergak areagotzea erakusten du horrek.

EAJ-PNVk gizarte jasangarriagoa eta bidezkoagoa sustatuko duten pizgarrien alde egiten du. Haien proposamenen artean honako hauek nabarmentzen dira:

      ♦ Ibilgailu elektrikoentzako kargagailuak instalatzen dituzten banakako garajeentzat %50eko hobaria IBIan, mugikortasun jasangarria eta trantsizio energetikoa bultzatuz.

      ♦ Bizigune programan sartuta dauden etxebizitzentzat %99ko hobaria IBIan, etxebizitza huts gehiago alokairuan jartzea sustatuz, udalerrian etxebizitzarako sarbide faltaren aurka lagunduz.

      ♦ Banakako garajeetan ibilgailu elektrikoentzako karga puntuak instalatzen dituzten obrentzat %95eko hobaria ICIOan.

      ♦ Guraso bakarreko familientzako tarifa berezia kiroldegian, familia horien egunerokoan laguntzearen garrantzia aitortuz.

      ♦ Kirol azpiegituretan kultur ekimenetarako tasetan hobariak, kulturaren eta kirolaren sarbidea herritar guztientzat erraztuz.

Jeltzaleek proposatzen duten politika argia da: pizgarri gehiago, zigor gutxiago. Arrasatearrei beharrezkoak ez diren igoerekin zama ezartzea baino, parte-hartzea eta herritarren konpromisoa sustatuko dituzten neurriak proposatzen dituzte, proiektu jasangarri eta gizarte ongizatearekin lotuta.

Une honetan, jeltzaleen taldea 2025eko Zerga Araudien inguruko negoziazioetan ari da Udal Gobernuarekin. Aldi berean, Udalari elkarrizketa mahai bat sortzea eskatzen diote, etorkizuneko udal tasak modu bateratu eta adostuan ezartzeko, zerbitzuak herritar guztientzat eskuragarri egin eta kudeaketa publikoaren gardentasuna bermatzeko helburuarekin.

EAJ-PNVk Arrasateko auzokideen babeserako politika fiskalarekin konprometituta jarraitzen du, beti beren ongizatea erabaki guztien erdigunean jarriz. Haientzat, ahalegina sarituko duen eta Arrasate bidezkoago eta jasangarriago baten alde egingo duen kudeaketa baten aldeko apustua egiteko.