Maria Eugenia Arrizabalagak, PNVko bozeramaileak, foru gobernuak etorkizuneko erronkei erantzuteko hartu duen ikuspegi berritzailea azpimarratu du. Politika orokorreko osoko bilkuran azpimarratu duenez, "erronka berriei ezin zaizkie betiko formulak aplikatu" eta herritarren beharrei aurrea hartzeko Eider Mendoza ahaldun nagusiaren ikuspegi estrategikoa nabarmendu du .

Arrizabalagak Diputatu Nagusiaren hitzaldia helburu argi batekin laburbildu du: "Gipuzkoar guztien ongizate integrala babestea". Etorkizuneko erronketan ez ezik, bere ekintza politikoaren helburua egungo beharrei irtenbideak eskaintzeko konpromisoan islatzen dela adierazi du. "Eider Mendoza ahaldun nagusiaren lidergoa eraginkorra da, eta batez ere, berritzailea", nabarmendu du bozeramaileak; eta, “Ikerketa, Garapen eta Berrikuntzan (I+G+B) Barne Produktu Gordinaren (BPG) % 2,75eko inbertsio maila” azpirimarratu du adibide gisa.

Halaber, Foru Gobernuaren ikuspegi berritzailearen hainbat adibide mahaigaineratu ditu. Batetik, Foru Aldundia garatzen aritu den zaintza-eredu berritzailean edo 2015etik politika sozialera bideratutako inbertsioaren % 64ko hazkundean. Bestetik, PNVko bozeramaileak nabarmendu duenez, inbertsio publikoa babes soziala egonkortzera bideratu da, egun 31.000 gipuzkoarri zerbitzua ematen diena, datozen urteetan babesa handitzen jarraitzeko asmoarekin. Gainera, ongizatearen esparruan "erreferente, berritzaile eta aitzindari" izan ez ezik, euskararen sustapenean eta defentsan bada ere.

Hitzaldian, Maria Eugenia Arrizabalagak azpimarratu du konfiantza funtsezkoa dela akordio sendo eta eraginkorrak eraikitzeko. "Gakoa konfiantzan dago". Eta adierazi du konfiantza haustea hura ahultzea helburu duten estrategia neurtuen ondorio izan daitekeela. Ildo horretan, zalantzan jarri du EH Bilduk Gipuzkoan PNVrekin akordioei ezezkoa eman izana eta, Nafarroan ordea, PSNri babesa ematea, nahiz eta bi lurraldeetako erronkak alderatu daitezkeen.

Arrizabalagak EH Bilduri duen jarrera kontraesankorra aurpegiratu dio. Batetik, Madrilen, Nafarroan eta Gasteizen PSOErekin akordioak sinatzeagatik, eta Gipuzkoan berriz PNVri ezezkoa eman izanagatik. Hain zuzen ere, PNVk proposatutako akordioak 11 aldiz gainditzen zuenean. "Zergatik ez zen Gipuzkoan bizi-baldintzen hobekuntzarik egon?", galdetu du.  Bozeramailearen ustez, babes falta horrek zalantzak sortzen ditu ezker abertzalearen aliantza estrategian.

Azkenik, konfrontazioa eta arbuio sistematikoa alde batera utzi eta Gipuzkoaren zein Euskadi osoaren mesederako izango diren lankidetza-dinamiketarantz aurrera egitearen alde agertu da. Ildo berean, adibide gisa jarri du ponentzia fiskalean lortutako akordioa, eta lankidetza sustatzeko eskatu du. Horregatik guztiagatik, Lurraldeak lankidetzan oinarritutako politika egiteko modu berri bat behar duela azaldu du amaitzeko.