Batzar Nagusietan PNVren bozeramaileak, Maria Eugenia Arrizabalagak, abiadura handiko trena Ezkiotik igarotzearen aldeko ingurumen-arrazoiak defendatu ditu. Gipuzkoako Batzar Nagusietan egindako osoko bilkuran, bozeramaile jeltzaleak nabarmendu du Ezkio dela "ingurumenean eta gizartean eragin negatibo txikiena duen aukera". Ondorio hori txosten teknikoetan eta adituen ebaluazioetan oinarritzen da, non bi aukerak alderatu dituzte.

Podemos eta EH Bilduk ingurumen-inpaktu txikieneko trazadura lehenestea eskatu dute. Hori dela eta, bi alderdiek planteatutako kezkei erantzunteko, Arrizabalagak honako hau adierazi du: "Ingurumen Ministerioak egindako txostenak argi eta garbi adierazten du Ezkioko alternatibak Gasteizkoak baino ingurumen-ondorio askoz txikiagoak dituela, tunelean joateagatik, hain zuzen ere".

Halaber, Arrizabalagak azpimarratu du Gasteizkoak saturazio-arazoak sor ditzakeela Bergarako lotunearen eta Vitoria-Gasteizko lotunearen arteko tartean, eta horrek eragina izan lezakeela azpiegituraren epe luzeko jasangarritasunean eta adierazu du. "25 urterekin % 75eko saturazio-egoerak gerta daitezke", izan ere, gutxieneko 100 urteko iraupena ardatz hartuta planifikatu behar den azpiegitura da. Gainera, Arrizabalagak azpimarratu du trazadura hori funtsezkoa dela Nafarroa Arku Atlantikoaren sarean sartzeko.

Azkenik, Arrizabalagak ondorioztatu duenez, Ezkio aukeratzeak ingurumen-irizpideei erantzuten die, baita abiadura handiko sarearen funtzionaltasuna eta lehiakortasunari ere, bidaiarien zein merkantzia garraiorako. "Ezkio da gaur egun aukerarik onuragarriena, lehiakorrena, funtzionala eta ingurumen-inpaktu txikiena duena", adierazi du.