Gaur Maialen Gurrutxaga alkateak, Iñigo Urkullu lehendakariarekin eta Eider Mendoza Gipuzkoako Ahaldun Nagusiarekin batera, Danobat Group enpresaren instalazio berria inauguratu dute bere 70. urteurrenean, eta ostean, herriko proiektu estrategikoez jardun dute, tartean Errezabal egoitza. Maialen Gurrutxaga alkateak nabarmendu du "lanean ari gara Elgoibar hobetzen jarraitzeko. Txanponaren bi aldeak  ditugu gaurkoak: giltzarri da garapen ekonomikoa sustatzea eta laguntzea, aberastasuna eta kalitatezko enplegua sortzeko, eta aldi berean zerbitzu publiko indartsuak eskaintzeko, zaintza eremukoak ere, gizarte ongizatea bermatzeko".