Gipuzko Buru Batzarreko presidenteak, Joseba Egibarrek, adierazpenak egin ditu bozketen kontaketa amaitu bezain pronto, Gipuzkoa eta Euskadiko herritarrek emandako babesak eskertzeko. “Babesa eskatu genien herritarrei momentu zailak bizitzen ari ginelako, eta jendeak erantzun egin du.  “Hemendik konpromisoa adierazten dugu arduraz jokatzeko eta babesa eman ez diguten horien babesa lortzen saiatuko gara”, adierazi du.

Eskerrak eman ondoren, bi mezu argi luzatu nahi izan ditu, “inor ez dadin nahastu”: “Pradales Lehendakari izango da eta Bakartxo Tejeria, Legebiltzarreko presidente”.

Amaitzeko, zorionak eman dizkie Gipuzkoa Legebiltzarrean ordezkatuko duten bederatzi lagunei: “Ez ahaztu 10 euskaldunetatik 7 ordezkatzen dituen Legebiltzarrean egongo zaretela, ez duzue lan makala eta hemen izango gaituzue lagundu eta hauspotzeko”.