Rafa Uribarrenek, PNVko Gipuzkoako Batzar Nagusietako bozeramaileak, EAJk lehen sektorearen aldarrikapenekin duen konpromisoa nabarmendu du. Gaurko osoko bilkuran, Uribarrenek agerian utzi du Gipuzkoako nekazariek eta abeltzainek bizi duten krisi larria, errentagarritasunik eza eta lan-baldintza eskasak direla-eta.

Bozeramaile jeltzalearen esanetan, belaunaldien arteko erreleboa "ezin da baldintza hauetan bermatu", eta egoera honen aurrean lehen sektorearen bideragarritasuna bermatzeko beharra azpimarratu du. Ildo berean, PNVek Eusko Jaurlaritzaren eta hiru Foru Aldundien artean lortutako akordioari emandako babesa azpimarratu du, nekazaritza eta abeltzaintza sektorea defendatzeko eta indartzeko konpromisoen dekalogoa jasotzen baitu.

"Eusko Jaurlaritzak eta Bizkaiko, Gipuzkoako eta Arabako Foru Aldundiek lortutako akordioaren aurrerapausoa nabarmendu nahi dut, sektorea defendatzeko konpromisoak hartzen dituen dekalogoa jasotzen baitu".

Era berean, bozeramaileak nekazariei eta abeltzainei "zuzeneko laguntza" emateko apustua azpimarratu du, haien lurrak "babestuz" eta, transferentziaren bitartez, "sektorearen beharrei erantzun eraginkorragoa ematea ahalbidetuko duten eskumenen eskutik".

Bozeramaileak, ingurumenari dagokonez, nekazarien garrantzia nabarmendu nahi izan du, lehen sektorea ingurumena zaintzeko eta klima-aldaketari aurre egiteko “funtsezko eragileak” baitira. Defentsa honetan, PNVek "errentagarria”, “jasangarria” eta “baloratua" den lehen sektorearen alde lan egingo duela adierazi du.