EH Bilduren mozioak, prentsa-oharren bidez eta Legazpi, Zumarraga eta Urretxuko osoko bilkuretan zabaldutakoak, ez ditu aipatzen hilabete eta egunetan jazo  diren hainbat gertakari, interes gutxi erakusten du ordezkari politikoek jardun behar duten esparru juridikoarekiko, eta agerian uzten du EH Bilduren gaitasun falta akordioetara iristeko, eskualdeko 46 zinegotzietatik 15 izanik. Hori gutxi balitz, horren erantzukizuna Jon Luqui, jarduneko presidenteari egotzi nahi diote.

Ez du uztailaren 27an egindako bilera aipatzen, bertan  Jon Luquik, jarduneko Mankomunitateko lehendakari gisa, Edurne Gonzalezek, Aritz Elgarrestak eta Julen Azpeitiak, Legazpi, Zumarraga eta Urretxuko EH Bilduren ordezkari gisa, parte hartu zuten. Bilkura horretan, eskatu zitzaien talde politikoen artean bilerak egiteko, akordioak lortzeko helburuarekin. Halaber, adierazi zitzaien adostasun horiek lortzen ez bazituzten, juridikoki ezinezkoa zutela lehendakaritza lortzea. Bi bilera egin ziren eskualdean ordezkaritza duten alderdi guztien artean, irailaren 26an eta urriaren 30ean, eta EH Bilduk proposamen bat egin zuen, baina ez zen gai izan adostasunik lortzeko. EH Bildu ez da gai izan bere planteamenduarekin beste inor konbentzitzeko, ezta erraza ez den gai bati irtenbide juridikoa bilatzeko ere.

Ez da egia oharrak dioena, deialdirik ez egitea indarrean dauden estatutuak ez betetzea dela, alegia. Estatutu horiek hiru bide aurreikusten dituzte deialdia egiteko, ez bakarrik presidentearen borondatearena. Izan ere, eta erantzukizunagatik, lehendakariak deialdia egin behar du, baldin eta ziur badago idazkari bat eta kontu-hartzaile bat izan ditzakeen Batzorde Betearazle bat izenda daitekeela. Beste bi bideak dira, hain zuzen ere, EH Bilduk lortu ez duen akordio bat behar dutenak: edo lau udalerrietako batek deialdia eskatzeko osoko bilkuraren erabakia, edo 46 zinegotzien 2/3ko gehiengoa.

Ez dute aipatzen Urretxuko EH Bilduko ordezkariek eta, beraz, uste dugu EH Bilduk,  urtarrilaren 25ean jakin zuela Batzarra otsailean deituko zela; informazio hori egun horretan egindako Antolakuntza Batzordean helarazi zitzaien, mozioari buruz eztabaidatzean, dagokion aktan eta irizpenean jasoko den bezala. Hori nahikoa ez balitz, Urretxuko osoko bilkurarako deialdia sinatu aurretik – urtarrilaren 29an- eta gai-zerrenda ixteko, berriro esan zitzaien hala egingo zela, eta jatorrizko mozioa osoko bilkuran aztertu behar zela planteatzen jarraitu zuten.

Ondorio negatiboak iragartzen direnean ere, gezurretan ari dira. Inork ez du ukatzen atzerapena albiste txarra denik, baina ez da proiekturik gelditu, ez zaio dirulaguntzarik eskatu eta jasotzeari utzi, ez da eguneroko lana egiteari utzi, eta aurrekontuak ere aurreko epe berberetan egingo dira. Ideia hori helarazteak, paralisiaren ideia faltsu bat zabaltzen saiatzeaz gain, garbi uzten du EH Bilduri ez zaiola axola herritarrei gezurra esatea, ezta bere mesedetan jendea manipulatzen saiatzea ere. Adostu beharreko esparru juridiko berriari gehitu behar zaio lau udalek Mankomunitateari eta, horren bidez, UGGASA eskualdeko garapen-agentziari helaraztea erabakitzen duten elementuei buruzko akordioa. Ez dugu uste akordio eta adostasun horiek mozioen, gehiengoari ezarritako inposizioen, azterketa juridiko ezaren eta prentsa-oharren bidez iritsiko direnik.

Iragarritako deialdi batengatik harridura adieraztea edo beren buruari merezimendu faltsuak egoztea, ez da serioa. Horri gehitzen badiogu egia ezkutatzea edo manipulatzea eta argudioen euskarri juridiko falta, esan behar dugu  bizi dugun egoera kezkatzekoa dela, oraingoan bai, benetan kezkatzekoa.

EAJ-PNVk zortzi urte baino gehiago daramatza Urola Garaiko garapen sozioekonomikoaren lidergoa hartzen. Hala zegokigunean eta beste batzuek uko egin diotenean. EH Bilduri eskatzen diogu komunikabideen fokuekin ez itsutzeko eta eguneroko lanean zentratzeko. Prozesu luze baten aurrean gaude, eta beharrezkoa izango da prozesu horretan parte euren hartzea. Bere neurrian.