Hilabete batzuk igaro dira, CDa Bidasoak Europan lehiatu ahal izateko pabiloi bat eraikitzeko proposamenari gure babesa eman genionetik. Eraikin honek, hirian ditugun beste hainbat klubei ere lagunduko lieke, instalazio egoki batzuekin, gaur egun beren jarduera baldintza egokietan garatu ezin duten horiei.

Dena den, hori esanda, EAJ-PNVtik azpimarratu nahi dugu, oraindik gai garrantzitsu dezente daudela  definitu gabe. Hala nola:

     • Zer erabilera izango lukete pabilioi horretan garatuko liratekeen jarduera osagarriek?

     • Zenbat ordaindu beharko du Udalak urteko mantentze lanengatik? Gaur egun, udalak FICOBAren esparruaren mantentze gastuengatik urtean 500.000 euro ordaindu behar ditu, eta horri pabiloi berri bat gehitu beharko litzaioke.

     • Ekitaldi jendetsu horietan 10.000 pertsona bildu daitezke. Trafikoa ez litzateke arazo bat izango? Gaur egun, zirkulazio arazo ugari daude inguru horretan.

Era berean, gure taldean uste dugu gure hiriaren ikuspegi orokorra ez dugula ahaztu behar. Beste proiektu eta zerbitzu asko dauden egoerari lehenbailehen erantzun behar zaio, hala nola Plaiaundiko kirol instalazioak Txenpereneara eramatea. Proiektu honek 30 urte baino gehiago daramatza zain, eta kirolari askori edo askori eragiten die, baita herritarrei ere.

Bestalde, eta berriz ere pabilioian arreta jarriz, hainbat erakunderen arteko akordioa beharko da hau datozen 5 urteetan errealitate izan dadin. Aurkeztu diguten txostenean azaltzen denez, pabiloiaren kostua 43 milioi eurokoa izango litzateke, eta Udalak %25a jartzea proposatzen da bertan, 10 milioi inguru jarri beharko genituzke; Aldundiari, berriz, 25 milioi eskatuko litzaizkioke, eta gainerakoa Eusko Jaurlaritzak eta Kirol Kontseilu Gorenak jarriko lukete.

Amaitzeko, azpimarratu nahi genuke Bidasoak Europan lehiatu ahal izateko pabiloiari ekin behar zaion bezala, atletismo eta errugbi instalazio berrien eraikuntzari ere ekin behar zaiola. EAJ-PNVtik ahalegin handiz landu eta sustatu dugun proiektua, 2018an onartu genuena, eta oso mantso aurrera egiten ari dena. Errealitate hori ikusita, kezkatzen gaitu gure hirirako eta bertako kirolarientzako premia larri horri erantzuna emango dion proiektua, finantzazio faltagatik bertan behera gelditzea, hitzarmen bat sinatuta dagoenean eta urte askoko atzerapena dagoenean.