Datozen asteetan hasiko da irundarrek hainbeste espero duten obra, eta, gainera, Irun, Hondarribia eta Hendaia arteko mugikortasun iraunkorra irauliko duena.

Urteak dira EAJ-PNVkoek Irunek pertsonen eta bizikleten joan-etorria erraztuko zuen pasealeku bat behar zuela pentsatu genuela, hala irundarrei Plaiaundiko inguruarekin eta Bidasoa ibaiertzarekin gozatzeko aukera eskaintzeko.

Duela 10 urte, 2013an zehazki, EAJ-PNV Udal Taldetik Eusko Jaurlaritzarekin lehen harremanak izan genituen, Txingudiko herriak oinezkoentzako eta bizikletentzako bide bat zuela helarazteko, gure Bidasoa ibaiaren ertzari aukera berri bat eskainiz. Elkarrizketa hauen ondorioz, proposamen hori onartu zitzaigun eta azterketa bat egiteko eta garatzeko konpromisoa ere hartu zuen Jaurlaritzak.

Ekimen honek, Plaiaundi eta Santiagotarren arteko haustura ezabatzeaz gain, Irungo auzo batzuen arteko mugikortasun jasangarria hobetuko du. Halaber, Kolon pasealekuan txirrindularientzat datozen hilabeteetan sortuko den erdiguneko bidegorriaren alternatiba bihurtuko da ere. Gogorarazi azken hau gure taldearen ekimena ere izan zela.

Era berean, azpimarratzekoa da proiektu hau aurrera ateratzeko urte hauetan, Senatuan, Kongresuan eta Batzar Nagusietan ditugun taldeei esker, lortu dugun hainbat erakunderen laguntza eta babesa, hala nola Gipuzkoako Foru Aldundiarena, Gobernu Zentralarena edo Eusko Jaurlaritzarena.

Horrela, 2021ean, urteetako lanaren, azterlanen, zuzenketen, mozioen eta akordioen ondoren... Kongresuko gure taldearen bidez, proiektu hau garatzeko Estatuko Aurrekontu Orokorretan 1,55 milioi euro sartzea lortu genuen. Horri esker, Irunek eta bertako pertsonek gure inguruko naturaz gehiago eta hobeto gozatu ahal izango dute. Proiektu honek, San Lorentzo aintzira handitzea eta Plaiaundi institututik Mendelu-Amuteraino bidegorri bidezko oinezkoentzako pasealekua barne hartzen ditu.

Ondorioz, aintzira handitzeak Plaiaundiko Parke Ekologikoa nabarmen handitzea ekarriko du, eta horrekin biodibertsitateari, hegaztien babesari eta bertako floraren berreskurapenari dagokienez hobekuntza eztabaidaezina. Baina horretarako ezinbestekoa izango da kirol-instalazioak eraisteko lanak hasi eta hauek Txenpereneako eremura lekualdatzea. Ekintza hori lehenbailehen egin ahal izatea espero dugu eta hala eskatzen diogu Udal Gobernuari ere.

Gainera, eta BOEn jasotzen denez, Irun lotuko duen pasealekuaren zatiaren proiektuari alegazioak aurkezteko epea, Plaiaundi Institututik Hondarribiraino eta San Lorentzo aintzira handitzearena, abuztuaren 11n amaitu zen, beraz, lanak datozen asteetan hasiko dira, hala baieztatu du gaurkoan Eusko Jaurlaritzak ere, eta 14 hilabeteko iraupena eta sei milioi inguruko aurrekontua izango dituela jakinarazi du.

Baina kontua ez da hor geratzen. Irungo zatiko obrak ere esleitu ditu Jaurlaritzak Pierre Lotiyik Santiagotarrak-eraino, nazioarteko zubien azpitik, 1,1 km-ko ibilbidearekin. Era berean, aparkalekuari dagokionean, aparkaleku berri bat eraikitzea ere proposatu du, kotxeentzako eta autobusentzako 30 plaza baino gehiagorekin, baita parkean bertan dagoena egokitzea ere.

Horri guztiari esker, datorren udaren amaierarako irundarrok hain desiratua dugun ibilaldi honetaz gozatu ahal izango dugu. Hiru hirien arteko benetako lotura erraztuko duena, Hondarribiko hondartza Hendaiako hondartzarekin lotuko duena, Bidasoaren ertzetik eta Irundik pasatuz.

Azkenik, EAJ-PNVtik apustu egiten dugu proiektu hau eskualdeko erreferentzia izan dadin, momentu oro Bidasoa ibaia elkargunea izanik. Lotu ditzagun Hegoaldea eta Iparraldea, eta osatu dezagun lehenbailehen Bidasoa ertzeko pasealeku guztia. Egin dezagun aurrera irundarrek badian zehar segurtasun eta erosotasun osoz gozatzeko aukera eskainiko dion bidea.