Badira hilabete batzuk Sagardui sailburuaren agendan Irungo beharrak jarri genituela. Irunek zentroan anbulatorio berri bat behar duenaren edo ezaren hausnarketa. Modernoagoa, zerbitzu gehiagorekin, irisgarritasun hobearekin eta konexio hobeekin. Betiere, Oinaurren Dunboako anbulatorioaren estilokoa mantenduz, Ventas, Belascoenea eta Oinaurre auzoei zerbitzua emango diena.

Behin Osasun Sailaren proposamena entzunda, non Irungo zentroan anbulatorio handi baten beharra azpimarratu zen, eta esan behar dugu pozik baino gehiago sentitzen garela. Irunek anbulatorio berria behar du bere zentroan. Pertsonek eguneroko edo unean uneko kontsultara joateko aukera izan dezaten, oinez, bizikletaz edo autobusez. Joan-etorri handirik gabe, irundarrei egunerokotasuna erraztuz. Anbulatorio modernoa, zerbitzu gehiagorekin, puntako teknologiarekin eta irisgarritasun onarekin.

EAJtik aurkeztu dugun zentroko anbulatorio handi berria da Irunek gaur behar duen aukera. Horrek gure hiriko lehen mailako arretaren egoera hobetzen lagunduko du. Ez dezagun aukera hau alferrik galdu... irundarren gehiengo handi batek osasun-zerbitzu gehiago dituen Irun bat nahi du, herritarren ongizatea lehenesten duen, berdegune gehiago dituena, hiria bitan banatzen ez duten konexioak dituena, barneratzaileagoa, arduratsuagoa eta jasangarriagoa dena. Eta Irun hori posible da. Alkateak Eusko Jaurlaritzak eskatutako agiriak bidaltzea espero dugu, irundarrek behar bezalako anbulatorio handi bat izan dezaten zentroan lehenbailehen.