“Mozalik ez, adierazpen askatasuna” pintadek atari osoa hartzen zuten. Gertakari horiek norberaren eta familiaren askatasunaren aurkako eraso larria dira, EAJko alkatea hertsatzeko, beldurtzeko eta jazartzeko helburu bakarrarekin. Herriko udaltzaingoan eta Ertzaintzan salaketa bana jarri dute, derrigortzeagatik eta kalteak eragiteagatik.

Ez da alkatea familia-eremuan jazartzen duten lehen aldia, errespetuaren eta bizikidetzaren muga erabat gaindituz.

Ez dugu ulertzen pintada horren arrazoia, ezta alkateari egiteko arrazoia ere, beldurtze hutsagatik ez bada. Beste goiz bat irainekin eta errespetu faltekin, zentzurik gabe, eskrupulurik gabe, arrazoirik gabe

Pintadak «Mozalik ez» dio. Ez da egia Arrasaten Mozal Legerik aplikatzen denik. Arrasaten hainbat leku ditugu gure iritzia emateko, kartelak jartzeko edo pankartak jartzeko. Adierazpen askatasuna duen herri batean bizi gara, eta adierazpen horrek errespetuzkoa izan behar du guztiekiko.

EAJk babes osoa ematen die Mariari eta haren familiari, eta erabat gaitzesten eta arbuiatzen ditugu iraganeko garaietara garamatzaten gertakari larri horiek.

Gobernu taldeak gai honi buruzko proposamen bat eramango du datorren astelehenean, hilak 12, 17: 00etan, Arrasateko udaletxean egingo den bozeramaileen batzarrera.