Zumaiako flyscha Coloradoko Arroila Handia, Iguazuko ur-jauziak eta Lurreko beste mugarri natural batzuren artean kokatzen da. Eta ez da guk esaten dugulako. Zur eta lur ikusten du gure kostaldea zeharkatzen duen itsaslabar ikusgarriarekin topo egiten duen edozein bisitarik. Eta, berriz ere, geologo ospetsuenek ere aitortzen dute.

"Ikaragarria da. Coloradoko Arroila Handian nagoenean bezalako sentsazioa sortzen dit ". Stanley Finney geologo, paleontologo eta IUGSko (Zientzia Geologikoen Nazioarteko Batasuna) idazkari nagusiaren hitzak dira.

Harrotasuna zumaiarrentzat

Erakunde ospetsu hau astearte honetan gure herrian hasi zen geologiari buruzko kongresuan bildu da eta ostiralean Zumaiako flyscha ofizialki aitortiko du planetako interes geologiko goreneko 100 lekuen artean.

Leku horiek aukeratzeko, 40 herrialde baino gehiagoko 250 adituk 180 hautagaitza baino gehiago aztertu dituzte urtebetez. Zumaiako flyschak, IUGSk azaltzen duenez, "klimaren eta biosferaren bilakaerari buruzko informazio kritikoa ematen du, denbora geologikoko tarte kritikoen bitartez". "Munduan gehien aztertu eta erreferentziatzen den azaleratze estratigrafikoetako bat da", gaineratu dute.

EAJ-PNV harro dago gure herria berriro ere munduko mapan agertzeagatik. Uste dugu aukera ona dela Zumaiaren erakargarritasunari balioa ematen jarraitzeko, bere erakargarritasun kultural, zientifiko eta turistikoa azpimarratuz, eta uste dugu eragile politiko eta sozial guztiok gure ekarpena egin dezakegula misio honetan.