EAJ-PNVko bozeramaileak azaldu duenez, “2005. urtean, EAJ-PNVk zuzentzen zuen Herri Lan Sailak Ezkiaga pasealekua eta Gudarien plaza birgaitzeko proiektua idatzi zuen. 2006ko apirilean, ezker abertzaleak alegazioak aurkeztu zizkion proiektuari. 17 urte igaro dira proiektua idatzi zenetik eta EH Bilduren gobernua ez da urte hauetan guztietan gure herriko plazaz gogoratu”.

EAJ-PNVko bozeramailearen esanetan, “EAJ-PNVtik urte asko daramatzagu EH Bilduri gutxienez Gudarien Plaza birgaitzeko eskatzen, baina beti ezetz esan digute. Azken aldia aurten izan da, 2021ean soberan geratu zen diruaren zati bat zertan gastatuko
zen adosten ari ginenean”. 

Amaitzeko, Amonarraizek ziurtatu du: “Gudarien Plazaren lurzorua aldatu egin behar da, espazioa erabilgarriagoa izan dadin eta herri baten plaza nagusia izan behar duenarekin bat etor dadin. Eta, horrez gain, gogorarazi nahi dut azpitik doazen kanalizazioak direla Kaxkoko obra egin zenean aldatu ez ziren bakarrak. Plaza orain urte batzuk egokitu behar zela uste dugu”.