EAJ-PNVk proposatu du Oñatiri kirol-hiri berri bat ematea eta bertan Aloña Mendi klubak bere beharretara egokitutako zelaia eta kirol-ekipamenduak izatea. Era berean oñatiarrek udako hilabeteetan aire zabaleko igerileku irekiez gozatzeko aukera izango lukete. Bi proposamenak, talde jeltzalearen eskaera historikoak, Korriunean kokatuko lirateke, Azkoagain eta Berezao auzoen artean dagoen eremuan.

Aloña Mendiko beharren araberako instalazioak

Oñatiko Aloña Mendi klubak hamarkada bat baino gehiago darama Azkoagaingo zelaiaren egungo egoera deitoragarria konpontzeko eskatzen. EH Bilduren gobernu taldeak emandako konponbideen ondoren, adabaki bat bestearen atzetik, alderdi jeltzaleak behin baino gehiagotan eskatu du Azkoagainen egoera bere osotasunean aztertzeko. EAJ-PNVren proposamenak bi futbol-zelai jasotzen ditu, Aloña Mendik jokatu eta entrenatu ahal izateko, baita klubaren parean dauden ekipamenduak ere: aldagelak, bainugelak, gimnasioa, bizikletentzako aparkalekua, patineteak eta hainbat ibilgailu, hiri-buserako geltoki bat…

Aire zabaleko igerilekuak, udako alternatiba

Era berean, eta kirol-hiriaren zati gisa, EAJ-PNVk igerileku irekiak eraikitzea proposatu du, aire zabalean. Gaur egun, oñatiarrek igerileku estaliak eta Usako baino ez dituzte eguzkiak estutzen dituen hilabeteetarako. Adin guztietarako egokiak diren igerileku horiek jasangarriak eta ekologikoak izango lirateke: ura behar bezala erabiliko litzateke, produktu kimikoak erabiltzea saihestuko litzateke eta prozesu naturalagoak erabiliko lirateke ura garbi edukitzeko. Halaber, igerilekuak berdegunez inguratuta egongo lirateke, eta berdegune horiek paisaian integratuko lirateke, itzalgune naturalak sortuz. Igerileku berri hauek Usakoren alternatiba ere izango lirateke, azken honen izaera naturala nolabait berreskuratuz eta zainduz.