Xabier Iridoyk eta Jose Corchonek, Irungo EAJ-PNVko bozeramaileak eta zinegotziak, 2019ko ekitaldiko aurrekontuen likidazioa martxoan jakingo dela, adierazi dute. "Ikuspuntu ekonomikotik, gure hiriarentzat une garrantzitsua da hau. Udalak jarduketa berriak martxan jartzeko zer baliabide izango dituen jakin ahal izateko aukera izango dugu orduan", jakinarazi du Iridoyk. Likidazioa kontu baten guztizko ordainketa zehaztea, kalkulu bat doitzea edo zerbaiten egoera jakin bat amaitzea da. Irungo Udala bezalako erakundeen kasuan, likidazioak lortutako diru-sarrerak egindako gastuekin alderatzen ditu. "Gure hiriari dagokionez, 2019ko likidazioak baliabide kopuru handia jarriko du udalaren esku", adierazi du bozeramaile jeltzaleak.

Ildo beretik, baina gaian gehiegi sakondu baino lehen, Corchonek bere taldeak 2019an zehar, udal-gobernuak, Irunen hobe beharrez negoziatzeko duen gaitasun eza eta horrek hirian eragin zituen ondorio ezkorrak, behin eta berriro salatu zuela gogorarazi nahi izan du. "Nahiz eta gobernuak, Irunek 2019.en urtean jasan zuen paralisi egoerari garrantzia kentzeko ahaleginak egin, pasaden urtean bizitutako egoera desberdinek, gobernuaren eta honen alkatearen ezintasuna eta ahultasuna argi eta garbi agerian utzi zituen" adierazi du zinegotziak. "Izan ere, nahiz eta udalak baliabideak eduki, hauek erabili ahal izateko gobernuak ezberdinekin akordioak eta udalbatzaren babesa lortu behar zituenez, nahiago izan zuen ez ezer egin". Hain zuzen ere horregatik, harrokeriagatik eta desberdinekin akordioetara iristeko interes faltagatik, Irunek 2019 urte osoa aurrekontu luzatuekin pasatu zuen. "Urte osoa, jardun eta ekimen berriak martxan jartzeko aukerarik gabe. Hala izan ginen, urrian ospatu zen kreditu aldaketako udalbatzara arte, non blokeatutako edo gordetako baliabideak mobilizatzeko aukera izan zuten, Elkarrekin Podemosek eskainitako babesarekin".

Hala ba, lehen aipatu bezala, Irungo Udalak hilabete honetan egingo den likidazioan alderatuko ditu 2019. urtean zehar egindako gastuekin lortutako diru-sarrerak. "Alde batetik, diru-sarrerei dagokienean, hauek oso modu positiboan jokatu dutela baieztatu dezakegu. FFFMren likidazioa oso baikorra izan da, eta, oro har, aurreko urteekin alderatuta, diru sarrerak 3 milioi baino gehiago hazi dira", aipatu du Corchonek. "Gastuen aldeari dagokionez, pasaden urtean leku izan zuen paralisia islatzen duela esan genezake, baita kudeaketa-arazoen areagotzea ere. Ez dago aurreikusitako denboran gauzatu den inbertsio bakar bat ere. Horren ondorioz, aurreko urteko partidak gehitu behar zaizkio hurrengoari. Horrela urte bat eta bestea. Egun oraindik, martxan dauden jarduera guztiak amaitu gabe daude". Iridoyk, berriz, ohartarazi du urtetik urtera "motxila" hori hazten doala. "Are gehiago, 2019ko motxila 21 milioitik gorakoa izan zen. 2020ari dagokionez, ia 23 milioiko motxila espero dugu. Urteko aurrekontuaren ia heren batez ari gara. Eta egoera honek kudeaketa eskasa du jatorri bakartzat" adierazi du.

Inbertsioen gauzatzean, 2019a bereziki urte txarra izan da. 2018an 13 milioi euroko inbertsioak izatetik 2019an 9,6 milioi eurokoak izatera igaro da. "Nola azaltzen da guzti hau? Ez da errekurtso gutxiago edukitzeagatik; alderantziz, Irunek dauzkan baliabideak gordeta izan direlako izan da. Hori dela eta, diru-sarreren portaera positiboa ikusita, eta gastuetan izan diren atzerapenak eta paralisia ikusita, 2019ko likidazioa oso garrantzitsua izango da Irunentzat", zehaztu du Corchonek, eta gaineratu du,"Urtarrileko osoko bilkuran ezagutu genituen aurrekontu-exekuzioaren zifren arabera, 9 milioi euroko likidazioa espero da gutxi gorabehera".

Horren ildotik, Iridoyk "hitz egiteko, akordiotara iristeko eta likidazioak Udalaren esku jartzen dituen baliabideak zertan inbertituko diren erabakitzeko unea dela" azpimarratu du. "Irun plurala dela eta ideologia guztiek bertan leku dutela erakusteko garaia da. Gure jarrera, beti bezala, baikorra eta eraikitzailea izango da. Irungo herritarren bizitza hobetzeko jarrera eta proposamen interesgarriak ditugu", adierazi du bozeramaileak,"eta hauek ez dira hitz hutsak. Esaten duguna egin egiten dugu. Guztia beti ekintzekin frogatzen dugu. Begirada atzera bota besterik ez dago. Esaterako, urte hasieran udal gobernuari, aurrekontuetarako akordio bat proposatu genion, honek ordea, atzera bota zuen. Hori ez da gure politika egiteko modua, eta uste dugu ez dela Irunek behar duena. Irun hiri anitza da, guztiona, eta, beraz, bazterketek ez lukete lekurik izan behar".

Amaitzeko, jeltzaleek datorren kreditu aldaketara eraman ditzaketen hainbat proposamen aurkeztu dituzte. Besteak beste, San Migueleko kirol-instalazio berritzaileak, aparkalekuen plana eta 2020ko aurrekontuetarako proposatu zituzten behin-behineko aparkalekuak, GJHen sozializazio-kanpainarako partida bat, oinezkoen bidea Jaizubiatik Txingudi Ikastolara egokitzeko beste bat, Joaquin Gamonen segurtasuna bermatzeko kamera baten instalazioa, etab. "Espero dugu oraingoan gobernu sozialistak publikoki erakutsi nahi izaten duena, ekintzekin frogatzea <> benetan gauzatzea. Guk, beti bezala, Irunentzat eta bertako hiritarrentzat onak diren gaiak adosteko, talde guztiei eskua luzatzen diegu ", amaitu du esaten Iridoyk.