Ildo beretik, Mendozak salatu du, Bilduren aginteko Foru Aldundiaren plana ez dela zehatza eta, are gehiago, ez dituela lehentasunak ezartzen. Gainera, eginda egon beharko luketen proiektuak daude, hain zuzen ere, Foru Aldundiak berak baztertutako proiektuak lehenesten ez zituelako.

Era berean, batzarkide jeltzaleak salatu du, Foru Arau proposamenak ez duela enplegua sustatzeko ekimenik eta, are gutxiago, kalitatezko enplegua sustatzeko ekimenik. Hori dela eta, Eider Mendozaren ustez, Foru Aldundiak segidako izena jarri behar zion ekimenari: Bilduren aginteko foru gobernuak hartutako erabaki atzeraezinak eta dagoeneko eginda egon behar luketen proiektuak egiteko Foru Arau proposamena”.

Mendozak, halaber, honakoa kritikatu du: “Bilduren aginteko Foru Aldundiak orain arte esan du berak egindako aurrekontu proiektuak izan direla gizarte politikei diru gehien eman dizkietenak. Baina aitzitik, orain egindako plangintzan, soilik %11,11 zuzendu dizkie gizarte politikei eta, gehiago zehazteko, segidako ekimenei: Bidasoako eskualdeko adineko pertsonentzako zentroetan itunpeko plaza gehiago egiteko eta Zarauzko Gureak elkarteko lantegi babestuetarako”. Gainera, batzarkide jeltzaleak Ander Rodriguezi segidakoa gogorarazi dio: “legealdiaren hasieran Gizarte Politikako foru diputatuak berak esan zuen proiektu bat zuela adineko pertsonentzako zentroetako plaza guztiak publikoak egiteko. Beraz, orain harritzen gaitu entzuteak itunpeko plaza gehiago egitearen alde dagoela. Hau da, berriro ere agerian gelditu da, foru diputatuak gauza bat esan eta beste bat egiten duela”.

Azkenik, EAJ-PNVren batzarkideak Bilduren aginteko Foru Aldundiari eskatu dio, batzarkide taldeei Foru Arau proposamenari buruzko dokumentu guztiak emateko, taldeek proposamena ondo azter dezaten eta proiektua hobetzeko beharrezko zuzenketak aurkez ditzaten.