2014/03/06

Alkatea hirigintzako batzordean ager dadila eskatu dugu Errotaburun hildako bat eragin duen lan istripuaz informatzeko

“Guztiz larria den istripua izan da, langile batentzat hilgarria izan dena, eta Donostiako Udalak bultzatutako obra batzuetan gertatu da. Erabat beharrezkotzat jotzen dugu udal Gobernuak Donostiako Udalbatzarra osatzen dugunoi istripuari buruz eskura duen informazio guztia jakinaraztea, bai istripua eragin duten zioez, bai Udalak sustaturiko lan horretan langileen baldintzez, bai erabilitako ikuskatze mekanismoez eta baita aurreikusi ote duten istripuaren eraginez neurriren bat hartzea”, adierazi du Donostiako EAJ-PNV udal taldeko bozeramailea den Eneko Goiak.