2014/02/13

Adostutako irtenbideari aukera bat irekitzen zaio

Talde jeltzaleak Igeldon Entitate Lokal Txikia sortzeko proposamena aurkeztuko du Igeldori Buruzko Udal Batzordearen hurrengo bileran, “izan ere formula horrek Igeldoren singulartasuna eta, deszentralizazio marko handi batean, Donostiako parte izatea uztartzea ahalbideratzen du. Horixe izan da beti EAJ-PNVren jarrera, udal Gobernuari eta Udalbatzaren gainerako indar politikoei behin baino gehiagotan azaldu diegu eta oraindik dugu elkarrizketarako eta adostasunerako eskua luzatuta”, baieztatu du Donostiako EAJ-PNV udal taldearen bozeramailea den Eneko Goiak.