“Donostiarekiko eta Gipuzkoarekiko duen inplikazio bikaina azaldu du gobernuak ekintza eta konpromiso sendoekin, Errealak biltzen duen gizarte-erreferentzia bikainaren garapenerako giltza izango delako proiektu hori, zalantzarik gabe” azpimarratu du Donostiako udaleko EAJren bozeramaleak.

Eneko Goiaren esanetan, Eusko Jaurlaritzak hartutako konpromisoa "aurrerapauso handia da", zeresana duten gainerako erakunde eta agentek zer erabakitzen duten da gakoa "proiektua" gauza dadin zenbateraino sartu behar duten ikusi behar delako orain."Errealarentzat jauzi kualitatiboa izango den Anoeta berritzeko proiektua, definizio fasean sartuko da honenbestez: guztiek argitu beharko dute norainokoa den bakoitzaren konpromisoa, Jaurlaritzak egin duen bezalaxe" adierazi du Donostiako bozeramale jeltzaleak.